Startup-- having your own business, digital marketing

I CAN HELP YOU IN BUILDING YOUR OWN BUSINESS. I CAN HELP YOU ON DIGITAL MARKETING OF YOUR BUSINESS.

Read more: http://saleemindia.blogspot.in/…/startup-having-your-own-bu… ...
Under Creative Commons License: Attribution

 ষ্টাৰ্টআপৰ বাবে ডিজিটেল মাৰ্কেটিং

TEAM YS ASAMIYA

MARCH 13, 2016

 
 
 

ষ্টাৰ্টআপৰ আটাইতকৈ ভাল লগা কথাটো হল – নিজৰ প্ৰকল্প এটা নিজেই আৰম্ভ কৰাটো । তাৰপিছৰ পৰ্যায়ত কেইটামান ডাঙৰ প্ৰশ্ন হল – ষ্টাৰ্টআপটো কেনেকৈ বহু লোকৰ ওচৰলৈ লৈ যাব পাৰি , আপোনাৰ ব্যৱসায়টোক কেনেকৈ সঠিক দিশসহ গতি দিব পাৰি, কেনেকৈ তাক সফল কৰি তুলিব পাৰি ,কেনেকৈ নিচেই সামান্য বাজেটেৰে নিজৰ সপোনবোৰ দিঠকত পৰিণত কৰিব পাৰি ?

আহকছোন, এটা বুনিয়াদী প্ৰশ্নেৰেই আৰম্ভ কৰোঁ - ষ্টাৰ্টআপক কিয় মাৰ্কেটিঙৰ প্ৰয়োজন ?

ষ্টাৰ্টআপে তেওঁলোকৰ ব্যৱহাৰকাৰীসকলৰ অৰ্থাত উপভোক্তাসকলৰ বহু সমস্যা সমাধান কৰে আৰু সঠিক উপভোক্তাসকলৰ সৈতে সংযোগ স্থাপন কৰাটোৱেই হল একোটা পৰ্যায়লৈকে ব্যক্তিগতভাৱে কৰা মাৰ্কেটিং । তাৰোপৰি সঠিক উপভোক্তাসকলৰ সৈতে সংযোগ স্থাপন কৰাটোৱেই হ'ল প্ৰয়োজনসাপেক্ষ বৃহৎ পৰ্যায়ৰ মাৰ্কেটিং । তেওঁলোকে নিজেই নিজৰ ব্ৰেণ্ড একোটাৰ পৰিচয় গঢ়ি তুলিব লাগিব । বৰ্ত্তমানৰ দ্ৰুতগতিৰ এই বিশ্বত লেহেমীয়া গতি অৱধাৰিতভাবে ষ্টাৰ্টআপৰ বাবে হানিকাৰক ।

আৰম্ভণীৰ বাবে ডিজিটেল মাৰ্কেটিং--

পৰম্পৰাগত মাৰ্কেটিংৰ পৰিৱৰ্তে ডিজিটেল মাৰ্কেটিং কিয় ?

ডিজিটেল মাৰ্কেটিঙত এসোপামান ধন খৰচ নোহোৱাকৈয়ো আপুনি আপোনাৰ উপভোক্তাৰ আধাৰ গঢ়ি তোলাৰ অনেক জৈৱিক পদ্ধতি (organic means) আছে । এনে মাৰ্কেটিঙৰ ক্ষেত্ৰত প্ৰবেশত বিধি-পথালি দিয়া বাধা আৰু স্তৰ নিচেই কম । তেনেই কম আয়াসতে আৰু সঠিক লক্ষ্য-নিৰ্দিষ্ট ৰুপত বহু কাম কৰিব পাৰি , অথচ অপচয়ৰ পৰিমানো তেনেই সামান্য ।

ষ্টাৰ্টআপ হিচাবে আপোনাক ডিজিটেল মাৰ্কেটিঙে কেনেদৰে সহায় কৰিব পাৰে ?

ডিজিটেল মাৰ্কেটিঙে সচেতনতা বৃদ্ধি কৰাৰ লগতে আপোনাৰ কোম্পানী আৰু কেন্দ্ৰটোৰ স্থিতিও স্থিৰ কৰে । ডিজিটেল মাৰ্কেটিঙে যাতায়তৰ প্ৰবাহটোক গতি প্ৰদান কৰে আৰু পোনতে একাংশ গ্ৰাহকক আকৰ্ষিত কৰে । এই ধৰণৰ মাৰ্কেটিঙে লীডবোৰৰ উপৰি অনলাইন চেলবোৰ চলাই নিয়ে।

বাজেটৰ বাধাবোৰ মনত ৰাখি ষ্টাৰ্টআপক এনে কেতবোৰ কৌশল আৰু সঁজুলিৰ প্ৰযোজন, যিবোৰ তেওঁলোকে অতি কম খৰচতে ব্যৱহাৰ কৰিব পাৰে । আহক, আমি তেনে কেতবোৰ সঁজুলি বিচাৰি উলিয়াওঁ আৰু সেইবোৰ কেনেদৰে ব্যৱহাৰ কৰিব পাৰি সেয়া জানি লওঁ ।

এছ ই অ ( চাৰ্চ ইঞ্জিন অপ্টিমাইজেশ্ব্যন )--- ই ব্যয় ফলপ্ৰশূ আৰু দীৰ্ঘকালীনভাবে যথেষ্ট ফলদায়ক । এইবিধ সঁজুলিয়ে দৃষ্টিগোচৰতা বৃদ্ধিৰ উপৰি ৱেবচাইটটোৰ জৈৱিক (Organic) প্ৰবাহ বঢ়ায় । ইয়াৰ জৰিয়তে বিনামূলীয়া ব্ৰেণ্ডিং কৰিব পাৰি আৰু বৃদ্ধি পায় আস্থা আৰু বিশ্বাসো । এই সঁজুলিবিধৰ আন এক ডাঙৰ সুবিধা হল, ই আপোনাৰ ব্যৱসায়টো ২৪x৭ খোলা ৰাখে ।

এতিয়া এছ অ ই – ফ্ৰেইণ্ডলি কৰি তোলাৰ বাবে কি কৰা উচিত ?

আপোনাৰ ছাইটটো মোবাইল ফ্ৰেইণ্ডলি আৰু সুৰক্ষিত কৰি ৰাখক, বিশেষকৈ ই যদিহে ই-কমাৰ্চ ৱেবছাইট হয় । কেউটা পেজে সঠিক ভাৱে কাম কৰি আছেনে নাই , মন কৰক । । যথাযথ টেগ, হেডাৰ, বৰ্ণনা ব্যৱহাৰ কৰক । পেজবোৰ দ্ৰুততাৰে যাতে ৰি-লড হয় তাৰবাবে উপযোগী কৰি তোলক অৰ্থাত অপটিমাইজ কৰক । ছাইটটোত ভাল ভাল সমলৰ সমাবেশ ঘটাওক আৰু অনলাইনৰ জনসম্পৰ্ক ৰক্ষাত মনোনিবেশ কৰক । আপুনি আপোনাৰ ছাইটটো এনেদৰে প্ৰস্তত কৰক যাতে উপভোক্তাসকলে কথাবোৰ স্বতঃস্ফূৰ্তভাবে ইজনে সিজনক শ্বেয়াৰ কৰে ।

কনটেন্ট মাৰ্কেটিং – - ই অধিক প্ৰবাহ তথা লীড উৎপন্ন কৰে আৰু ব্ৰেণ্ডটোৰ সম্পৰ্কত সচেতনতা বৃদ্ধি কৰে । তাৰোপৰি ই বৰ্ত্তমান আৰু ভৱিষ্যতে ক্লায়েন্ট হোৱাৰ সম্ভাৱনা থকা ব্যক্তিসকলৰ মাজত সুহৃদ সম্পৰ্ক গঢ়ি তোলে ।

কনটেন্ট মাৰ্কেটিঙৰ ক`ত গুৰুত্ব দিব লাগে ?

নিয়মিতভাবে সুন্দৰ আৰু প্ৰাসংগিক সমল প্ৰকাশ কৰি থাকক । বিক্ৰী কৰাৰ একক কৌশল তৈয়াৰ কৰক । ব্লগ খোলক । তাত বিভিন্ন ধৰণৰ কাহিনী কওক আৰু বিভিন্ন প্ৰকাশৰ সহায় লৈ আপোনাৰ সমল প্ৰকাশ কৰক । তাৰোপৰি উপভোক্তাসকলৰ কাহিনীবোৰ সোঁৱৰাই থাকক ।

ছ`চিয়েল মিডিয়াৰ মাৰ্কেটিং – - ই ব্যয় ফলপ্ৰসূ আৰু ভাব প্ৰকাশৰ এখন প্লেটফৰ্ম । তাৰোপৰি ই বৰ্ত্তমান আৰু ভৱিষ্যতৰ গ্ৰাহকসকলৰ সৈতে সংযোগ স্থাপনৰ এক স্থল ।আপোনাৰ ব্যৱসায়ৰ সুবিধা অনুযায়ী আপোনাৰ বাবে এখন প্লেটফৰ্ম বাচি লওঁক- ফেচবুক, টুইটাৰ, লিংকড্ইন, গুগল প্লাছ, পিন্টাৰেষ্ট আৰু ইনস্টাগ্ৰাম ।

আপুনি এই প্লেটফৰ্মসমূহত কি কৰিব ?

চিন্তা কৰক, এজন ব্যক্তিয়ে কিয় আপোনাৰ কমিউনিটীটোৰ অংশীদাৰ হবলৈ খুজিব অথবা ফ’ল` কৰিব বিচাৰিব ? ( মোৰবাবে ইয়াত কিনো আছে ?) প্লেটফৰ্মখনত প্ৰথমে কেইটামান সমল প্ৰকাশ কৰক । তাৰপিছত উপভোক্তা সকলক চলাবলৈ দিয়ক, পৰ্যবেক্ষণ কৰি থাকক । তদুপৰি গ্ৰুপছ/ প্ৰশ্ন আৰু উত্তৰ/ কথা- বতৰা অৰ্থাৎ chat ফলদায়ক ৰুপত ব্যৱহাৰ কৰক ।

ই- মেইল মাৰ্কেটিং -- ই এক সৰল আৰু ব্যয় ফলপ্ৰশূ, ব্যক্তিগত, কাষ্টমাইজেবল আৰু উচ্চ আৰঅআইৰ সৈতে পৰিমাপযোগ্য । ইয়াৰ জৰিয়তে যিকোনো সংখ্যাৰ উপভোক্তাৰ সৈতে যোগাযোগ কৰিব পাৰে । টুইটাৰ বা ফেছবুক লগ লগালে যিমান ব্যৱহাৰকাৰী থাকে, ই- মেইলৰ তাৰ তিনিগুণ হব ।

কেনেকৈ ই- মেইল মাৰ্কেটিং কৰা উচিত ?

ছাৰ্ভিচ প্ৰ`ভাইডাৰ এজন বিচাৰি লব । ডু ইট য়`ৰছেল্ফ প্লেটফৰ্মবোৰ সাধাৰণতে ভাল । উদাহৰণস্বৰুপে কনছেন্ট কনটেক, মেইলচিম্প, ৱেবাৰ, এমেজন এছইঅ । কেলেণ্ডাৰ এখন তৈয়াৰ কৰক । গুৰুত্বপূৰ্ণ কথাতো হল - অনবৰতে বিক্ৰীৰ মনোভাৱ লৈ নাথাকিব । আপোনাৰ বেচিভাগ ই-মেইলেই হোৱা উচিত ফ্ৰী-ছাৰ্ভিচ সম্পৰ্কত ।

গ্ৰ`থ হেকিং----ই এক সুলভ মূল্যৰ আৰু পৰম্পৰাগত মাৰ্কেটিঙৰ উদ্ভাৱনী গুণসম্পন্ন বিকল্প ।

পিছে আৰম্ভণী কেনেদৰে হোৱা উচিত ?

পোনতে বিনামূলীয়াকৈ কিবা এটা অ`ফাৰ কৰক , ৰেফাৰেল প্ৰ`গাম এটা ছেটআপ কৰক । নিজা স্বকীয়তা বজাই ৰাখক । আপোনাৰ প্ৰডাক্টটো যাতে ভাইৰেল হৈ পৰে, তাৰ বাবে নিশ্চিতভাৱে এক উপাদান থকা উচিত ।

মূল লিখক – অমিতাভ বাৰ্মা

অনুবাদ – মনীষা তালুকদাৰ সন্দিকৈ

ব্যৱসায় আৰম্ভ কৰাৰ বাবে বিনিয়োগৰ প্ৰয়োজন নাই

TEAM YS ASAMIYA

FEBRUARY 18, 2016

 
 
 

Source :http://asamiya.yourstory.com/read/9c113a8a5b/-

নিজৰ ব্যৱসায় আৰম্ভ কৰিবলৈ কিমান টকাৰ বিনিয়োগৰ প্ৰয়োজন হয় বাৰু। মই বিৰলা বা আম্বানিয়ে ব্যৱসায় আৰম্ভ কৰাৰ সেই যুগটোৰ কথা কোৱা নাই। আমি বৰ্তমান অনলাইন ব্যৱসায়ৰ এটা যুগত বাস কৰিছো, যত পৰম্পৰাগত উদ্যোগতকৈ এই উদ্যোগ অধিক গুৰুত্বপূৰ্ণ।

আপুনি জানেনে যে Flipkart এ মাত্ৰ ৫লাখ টকাৰ ব্যক্তিগত বিনিয়োগেৰে নিজৰ ব্যৱসায় আৰম্ভ কৰিছিল ?

জীৱন ধাৰণৰ বাবে প্ৰয়োজনীয় সামগ্ৰীৰ ব্যৱসায়ৰ বাবে যথেষ্ট পৰিমাণৰ ধনৰ প্ৰয়োজন হয়। কাৰণ এইক্ষেত্ৰত ঘৰভাৰা, ষ্টক, প্ৰথম দিনটোৰ পৰা কৰ্মচাৰী নিয়োগ কৰা, বিপণনকৰ্তাক আগধন প্ৰদান আদি বহুতো খৰচৰ কথা থাকে। কিন্তু ইন্টাৰনেটৰ ব্যৱসায়ত প্ৰথমটো দিন্ৰ পৰা এইধৰণৰ বিনিয়োগৰ প্ৰয়োজন নাথাকে। আপোনাক মাথো ইন্টাৰনেট সংযোগ থকা এটা লেপটপৰ প্ৰয়োজন আৰু আপোনাৰ ব্যৱসায় আৰম্ভ।

এটা কথা মানি লওঁ যে ব্যৱসায়িক সামগ্ৰী, হষ্টিং,যাতায়াত আদিত কিছু খৰচ আছে। কিন্তু এইধৰণৰ খৰচে সিমান প্ৰভাৱ নেপেলায়। নিজৰ দৈনন্দিন খৰচখিনি যদি আপুনি জোগাৰ কৰিব পাৰে তেনেহলে এইখিনিও হৈ যায়।

এটা কাহিনী কওঁ শুনক-

এজন ১৬বছৰীয়া লৰা আছিল। তেওঁ পঢা-শুনাত সিমান ভাল নাছিল। তাৰ ডিছলেক্সিয়া নামৰ পঢা-শুনাত বাধা প্ৰদান কৰা এটা বেমাৰৰ লক্ষণ আছিল। তেওঁ নিজে কৰি ভাল পোৱা কিবা এটা কৰিব বিচাৰিছিল। তেওঁ স্কুলৰ আলোচনীখনৰ বাবে কাম কৰিব আৰম্ভ কৰিছিল। তেওঁ এজন এককালিন ব্যৱসায়ীৰ দৰে বিভিন্ন প্ৰকাশন গোষ্ঠীৰ সৈতে যোগাযোগ কৰিবলৈ আৰম্ভ কৰি দিলে। তেওঁ তাক সহায় কৰিবলৈ তাৰ বন্ধু মহলক সৈমান কৰিও ল'লে। এইদৰেই তেওঁ প্ৰথম ব্যৱসায় আৰম্ভ কৰিলে। তেওঁ আন কোনো নহয়, তেওঁ হৈছে শূন্যৰ পৰা আৰম্ভ কৰি এক ব্যৱসায়িক সাম্ৰাজ্যৰ অধিকাৰী হোৱা ভাৰজিন গ্ৰুপৰ স্বত্বাধিকাৰী ছাৰ ৰিচাৰ্ড ব্ৰেনছন। তেওঁ কেৱল নিজৰ অন্তৰৰ কথা শুনিছিল আৰু সকলো প্ৰতিকুলতাৰ মাজেৰে গৈ কোনো বাহিৰা সমৰ্থন নোপোৱাকৈয়ে নিজৰ ব্যৱসায় আৰম্ভ কৰিছিল।

এতিয়াও কোনোবাই বিনিয়োগ কৰিব বুলি ভাবি নিজৰ আগৰ সেই কামটোতে ব্যস্ত হৈ আছে নেকি? কোনো বাহিৰা বিনিয়োগ অবিহনেই নিজৰ ব্যৱসায় আৰম্ভ কৰিব পৰাৰ কেইটামান কিটিপ আগবঢ়াব বিচাৰিছো।

# প্ৰাৰম্ভিক বিনিয়োগৰ বাবে নিজৰ জমা-ধন, পিতৃ-মাতৃ, বন্ধু,খুৰা-মামা আদিৰ

সহায় লওক

নিজৰ খুচুৰা পইচাৰ টেকেলিটো ভাঙি লওক, পুতলাবোৰ বিক্ৰি কৰি দিয়ক, অব্যৱহৃত সামগ্ৰী সমুহ নিলাম কৰি দিয়ক আৰু আপোনাৰ ব্যৱসায়ৰ বাবে ইয়াৰ পৰা কিমান টকা আহৰণ হব হিচাপ কৰক। আপোনাৰ মা-দেউতা,বন্ধু,খুৰা-মামা আদিৰ পৰা টকা ধাৰলৈ লওক। ধাৰলৈ লোৱা টকাবোৰ খৰচ কৰাৰ ক্ষেত্ৰত সাৱধান হওক। কাৰণ আপুনি সেই সমষ্ট ধন সুত সহিতে ওভটাব লাগিব। নিজৰ আপোনজনৰ পৰা টকা ললেও ব্যৱসায়ৰ ক্ষেত্ৰত পোছাদাৰিত্ব ৰাখক।

# আপুনি যিটো কাম ভালকৈ জানে সেইটো হে কৰক।

ধাৰ কৰা টকাৰে যিকোনো কাম নকৰিব। আপুনি যিটো কামত সিদ্ধহস্ত সেইটো হাতত লওক। যিটো কামৰ বাবে মানুহে আপোনাৰ সহায় বিচাৰে, সেই কাম হে কৰক। সেয়া লাগিলে ছফ্টৱেৰৰ ক্ষেত্ৰত হেকিং, ফাইণ্ডিং,কিলিং বাগছেই হওক। অন্য মানুহে অগোচৰ কৰা কাম কিছুমান কৰিব পাৰে, যেনে ধুনীয়া ডিজাইন বনোৱা, আকৰ্শনীয় কাহিনী লিখন, সামাজিক বিষয় উত্থাপন, নিজৰ ঠাইৰ সমস্যা উত্থাপন, শিক্ষা আৰু সজাগতা সৃষ্টি আদি ।

# ঘৰতেই কাম আৰম্ভ কৰক অথবা সৰু কোঠা এটা ভাৰালৈ লওক।

নিজৰ কোঠাটোতেই নিজৰ দলটোৱে বহি কাম কৰিব পৰা হৈ থকালৈকে ঘৰ ভাৰাৰ নামত এটকাও খৰচ নকৰিব। যদিহে ঘৰৰ পৰাই কাম কৰাটো সুবিধাজনক নহয়, তেনেহলে হে সৰু কোঠা এটা ভাৰালৈ লব পাৰে। ধনৰ অভাৱত থাকিলে প্ৰথমটো দিনৰে পৰা সহযোগী কাৰ্যালয়ৰ ব্যৱস্থাটো কৰি লোৱাৰ প্ৰয়োজন নাই।

# ইন্টাৰনেটৰ বিলটোৱেই হৈছে আটাইতকৈ ডাঙৰ খৰচ

যদি আপুনি নিজৰ ইন্টাৰনেটৰ বিলতকৈ অধিক ধন আন কিবা বেলেগ কামত খৰচ কৰি আছে,তাক বন্ধ কৰক।

এইটো আপোনাক কিয় লাগে? এইটো নহলে আপোনাৰ কামটো আজি বন্ধ হৈ যাব নেকি? যদি উত্তৰটো হৈছে, নহয়, তেনেহলে সেই খৰচটো কাইলৈলৈকে ৰখাই থওক। এই কামটো তেতিয়ালৈকে কৰক, যেতিয়ালৈকে সেই বস্তুটোৰ অভাৱত আপোনাৰ কামটো বন্ধ হৈ নাযায়। উদাহৰণ স্বৰূপে- প্ৰিন্টাৰ, ফেক্স, নতুন লেপটপ অথবা অতিৰিক্ত এলচিডি মনিটৰ !

# প্ৰথমখন চেক নোপোৱালৈকে কোম্পানীক পঞ্জিয়ন নকৰিব

এই ভুলটো নতুনকৈ উদ্যোগশীলতালৈ অহা প্ৰায় প্ৰতিজনেই কৰে। আমি আমাৰ প্ৰাইভেট লিমিটেড কোম্পানী নোহোৱাকৈ ব্যৱসায় কৰিব নোৱাৰোনে ?পাৰো, কিয় নোৱাৰিম।

আপুনি নিজৰ প্ৰথমখন উপাৰ্জনৰ চেক লাভ নকৰালৈকে নিজৰ কোম্পানীটো নগঢ়াকৈয়ে ব্যৱসায় কৰি যাওক। যদি কোনো কোনো গ্ৰাহকে আপোনাৰ সৈতে ব্যৱসায় কৰাৰ বাবে আপোনাৰ কোম্পানীৰ কথা সোধে তেনেহলে কওক যে আপোনাৰ কোম্পানী নিৰ্মাণ শেষ পৰ্যায়ত আছে। প্ৰথমতে আপুনি ভাবি থোৱা নামটোৰে আপোনাৰ কোম্পানীৰ নামত প্ৰথমখন চেক আহৰণ কৰি লওক। ( তাৰ বাবে চাই লওঁক সেই নাম MCA websiteত আছেনে নাই)

যদি কোনো গ্ৰাহকে আপোনাক এখন চেক দিছে তেনেহলে নিশ্চিত হওক যে আপুনি এজন প্ৰকৃত গ্ৰাহক লাভ কৰিছে। মই এনেকুৱাও দেখিছো যে গ্ৰাহক কিছুমানে প্ৰতিশ্ৰুতি ঠিকেই দিয়ে কিন্তু শেষ মুহুৰ্তত এনেকুৱা কিবা এটা ঘটে যে তেওঁলোকে আপোনাক সঁহাৰি দিয়াটো বন্ধ কৰি দিয়ে। (বিশেষকৈ আপুনি যেতিয়া এটা সৰু ষ্টাৰ্ট আপ হয়)। কোম্পানীক ক'ৰ্পৰেটকৰণ হৈছে খৰচি কাৰবাৰ। আপুনি প্ৰতিবছৰে বিভিন্ন শিতানত চাৰ্টাৰ্ড একাউন্টেন্টক ধন পৰিষোধ কৰি থাকিব লাগিব।

# কৰ্মচাৰীৰ দল গঠন

দলটো গঠন কৰাৰ বাবে একে ধৰণে চিন্তা কৰা লোকক নিৰ্বাচন কৰক। বিভিন্ন চাকৰিৰ বিজ্ঞাপনৰ পৰা উপলব্ধ লোকক নানিব। কাৰণ তেওঁলোকে ষ্টাৰ্ট আপৰ সৈতে নিজকে মিলাব নোৱাৰিব পাৰে। আপোনাৰ প্ৰাৰম্ভিক যি দুই তিনিজন কৰ্মী হব,তেওঁলোক হয়তো আপোনাৰ সহ প্ৰতিস্থাপক অথবা সমভাবাপন্ন কৰ্মী হোৱা উচিত।

যদি আপুনি সেয়া কৰিব নোৱাৰে তেনেহ’লে এটা কথ শিকি লওক৷ আপুনি আন ডাঙৰ কোম্পানীৰ দৰে আন মানুহক নিয়োগ কৰিব নোৱাৰে৷ আপুনি আপোনাৰ সপোনটো বা লক্ষ্যটো আনৰ আগত ব্যক্ত কৰক৷ আপোনাৰ লক্ষ্যৰ সৈতে সহমত পোষণ কৰা লোকে আপোনাৰ সংগী হ’ব৷ সততা আৰু স্বচ্ছতা ৰাখক৷ যদি আপোনাৰ টকা নাই সেই কথা প্ৰকাশ কৰক৷ যদি আপোনাৰ ঠাই নাই সেই কথাও কৈ পেলাওক৷ এজন ভুল ব্যক্তিক কামৰ সংগী কৰি লোৱাতকৈ আপুনি নিজৰ মাজতে থকা সম্পদৰ উত্তৰণত মন দিয়ক৷

#বিপণনত টকা খৰচ কৰাতকৈ উত্তৰণত মনোনিবেশ কৰক

ফেচবুকৰ বিজ্ঞাপন বা গুগলৰ বিজ্ঞাপনত খৰচ কৰাৰ কোনো প্ৰয়োজন নাই৷ বিজ্ঞাপনত খৰচ কৰাটো ধনবানৰ কাম৷ উন্নত সামগ্ৰী বা সেৱা প্ৰস্তুত কৰক আৰু উন্নতি আজুৰি আনক৷ আপুনি যদি নিয়মিত ভাবে Growth Hackers আৰু Hacker News নপঢ়ে তেনেহ’লে আপুনি ষ্টাৰ্ট আপৰ মাৰ্কেটিঙটো বুজি নাপাব৷

(বিধিসন্মত ঘোষণা: এই নিখনিত উল্লিখিত ধাৰণাসমুহ লিখকৰ ব্যক্তিগত৷ ইয়াৰ YourStoryৰ সৈতে কোনো সম্পৰ্ক নাই৷)

মূল-প্ৰদীপ গোয়েল

অনুবাদ-প্ৰাঞ্জল শৰ্মা